VAN IH ARSI PAWL BANGIN

Zirnak (2)

VAN IH ARSI PAWL BANGIN

 

Bible zir zoh ding mi: Genesis 15:1-6

 

1.  Pathian in Abram hnen ah ziangmi a tiamkam? (Verses 4-5)

__________________________________________________________________________________

2. Abram in Pathian ih thu a tiamkam mi ziangtin a sawn? (verse 6)

__________________________________________________________________________________

 

 

 

Simfiangnak:

 

Christmas hi a rem aw lo mi, milai le Pathian karlak remnak ding hrang Pathian ih lairel mi a si. Pathian in a Fapa Jesuh lei ah thlah ih kan mah pawl Rulpi (Setan) kut sung ta in runsuak ding mi hi a rak kamcia mi a si. Asinan, Pathian in Jesuh cu leitlun ah ziangtin a ra thlah ding?

 

Pathian in Abram hnen ah, “ Tih aw hlah. Keimah cu na ralphaw le a nasazet mi na lawmman ropi ka si,” a ti. Cutin fapa pek ding a tiam. Abram le a nupi Sarah cu an tar tuk zo ruangah fa nei thei ding tla an si nawn lo. Asinan Pathian in, “Van ih a um mi arsi pawl khi zoh awla, siar aw, na cithlah pawl cu khi zat khi an si ding,” a ti. Abram tesinfa ihsin Rundamtu Jesuh ra suak ding mi kha a rak tiamkam mi a si. Abram cun Pathian a rinsan. Adam le Evi bangin Rulpi (Setan) ih simmi a ngai lo. Jesuh cu kan mah in rundamtu a si ih, leitlun ih a nun sung hmuahhmuah dik zet le Pathian duhdan in a nung. Kan sualnak pawl hmuahhmuah le thil tha lo kan tuah mi pawl hmuahhmuah hrang Kross parah in thihsak. Cule Amah Jesuh a zumtu hmuahhmuah cu a rundam fawn a si.

 

 

Thusuhnak:

 

1. Ziangruangah thutak a si mi Jesuh zum  a tha? Jesuh zum hi na hrang ah ziang a si?

____________________________________________________________________________________

    2. Ziang hrangah Jesuh ih rundamnak kan tul?

_ __________________________________________________________________________________________________________________

   3. “Ziang ruangah Jesuh ka zum a tul?” a lo titu hnenah ziang mi na sim ding?

_ ____________________________________________________________________________________

   4. Jesuh in zo a rundam?

_ ____________________________________________________________________________________

 

Zirnak (3)

CHRISTMAS HRANG PATHIAN TUMTAHMI (GOD’S PLAN FOR CHRISTMAS)

(A hmaisa in hi Christmas le  Jesuh thuthawn pehpar mi, sungkua hrang Bible study nak hi keimai ta an si lo, mirang (English) cabu "A Jesus Christmas" timi sung ta, kan hlawkpi pangah ti ruahnak thawn lehlin ih ngan mi a si. Nauhak hrang lawngah siloin upa hrang khal ih thazet mi a si. Kan Bawipa Jesuh ih thuthangtha hi Christmas zawngah lawng siloin, ziangtiklai caan khal ih zir/sim ringring tulzet mi a si) 

Zirnak (1) Nak

CHRISTMAS HRANG PATHIAN TUMTAHMI (GOD’S PLAN FOR CHRISTMAS)

 

 

BIBLE zir zoh ding mi,

 

Genesis 3: 1-5, 14-15

 

1. Rulpi (Setan) in Adam le Evi hnen ah ziangmi thuphan a sim? (verses 4-5)

_______________________________________________________________________________________________________________________________________________________________________________________________________________________________________________________________

 

2. Pathian in Rulpi hnenah ziang a sim? (Verses 14-15)

_______________________________________________________________________________________________________________________________________________________________________________________________________________________________________________________________

Simfiangnak:

Pathian in Christmas hmaisabik (Jesuh suak ding ni) hrang tumtahnak a rak neih mi hi, kan Bible hramthawknak ihsin a rak thawk zo mi a si. Pathian in Adam le Evi umnak ding ah a mawi ngaingai mi Eden ah hmuan/dum a rak tuah. Pathian in Adam le Evi cu nitin ten rualtha vekin a rak biak hai ih, anmah kiangah a rak tlang leng theu. An hrangah ei ding thing theirah a phunphun a tuahsak. Pathian in Adam le Evi cu a duhdawtzet ruangah hmuan/dum sungih  a um mi thingrah pakha ei lo dingin a sim hai. An ei pang asilen an thi ding ruangah a si.

Asinan, Eden hmuan/dum sung ahcun Rulpi (Setan) a ra ih, Adam le Evi hnenah, "Pathian in a lo bum hai a si, zum hlah uh, thingrah kha nan ei tikah nan thi lamlam lo ding," tiah a bum hai. Rulpi(Setan) in thudik a sim hai maw? Sim lo! Setan cu thuphanper le mibum hmang a si. Pathian cu ziangtik lai caan khalah thudik a sim ringring. Thuphan a per dah lo. Asinan, riahsiatza a si mi cu, Adam le Evi in Rulpi(Setan) thu kha an lung sawn. Cule thingrah cu an ei. Cutik ah leitlun ah a tha lo mi hrampi le mi sun thei, hlingsia pawl tla an kheuh. Riahsia umzet a simi cu, Rulpi (Setan) ih thuphan a per mi Adam le Evi in an zum ruangah, tuisun ni tiang milai thinlung sungah sual a um. Pathian hnenah kir hna thiam nawn loin, a hnen ihsin hla pi ah kan tlan riangri. 

Pathian cun Adam le Evi cu an ruah hnakih sang sawnin a duhdawt hai. Adam le Evi ih sualnak cun ziang hmuahhmuah a siatsuah theh. Asinan, Pathian cun an hrangah tiamkamnak (promise) a tuah. Cucu Rulipi siatsuahtu ding le milai pawl Rulpu (Setan) kutsung ihsin runsuaksal ding ah mi pakhat leitlunah a thlah ding mi hi a si. Cui mi pakhat cu, "JESUH" a si.       

THUSUHNAK

1. Ziangruangah Pathian hnenah kir sawn loin a hnen ihsin kan tlan theu?

___________________________________________________________________________________

2. Adam le Evi in Rulpi(Setan) thu an thlun ihsin minung thinlung sungah ziangmi a um?

___________________________________________________________________________________

3. Ziang ruangah Pathian ih tiamkam(promise) mi Jesuh hi a sunglawi hleice cuang?

___________________________________________________________________________________

4. Pathian in Adam le Evi hnenah le kan mah milai hnenah ziangmi tiamkamnak (promise) a tuah?

___________________________________________________________________________________

Click Zirnak (2)