ZISUH IN NAUHAK A DUHDAWT (Mathai 19:13)

Zirnak 2
(Zirnak 1 siar hmai aw,,)

  

      Vawikhat cu Zisuh le a dungthluntu pawl Juda ram ah an feh. Mipi tampi in Zisuh an ra pan ih dam lo tla tam pi a dam ter. Culai fangah mi pawlin nauhak pawl kha Zisuh hnenah an ra hruai. An lu parah a kut suangih thlawsuah a pek ding an duh ruangah a si. 


    A dungthluntu pawlin nauhak an hruai mi an hmuh tikah, “Ziangah hi nah nan ra! Kir sal uh. Zisuh nan hnaihnawk,” ti'n an rak kawk. Cutikah Zisuh in, “Nauhakte pawl kha ka hnenah rat ter uh. Kham hlah uh: ziangahtile vancung uknak ram cu hi bang pawl ih ta a si,” a ti hai. Cule Zisuh in an lu parah a kut a suangih thla a camsak hai. 
 

        Zisuh in nauhak pawl hi a duhdawt zet hai a si. Nangmah tla a lo duhdawt zet. Amai hnen ih na um ding mi hi a duh bik mi a si. “Nauhak pawl kha kham hlah uh, ka hnenah ra hruai uh,” a ti.  Zisuh in nauhak pakhat te hman hell an feh ding a siang lo. Nauhak kiangih um nuam a ti a si. Zisuh kiangah na um ve duh maw?

THUSUHNAK

1. Zisuh le a dungthluntu pawl kha khawiah an feh?

2. Zisuh in zo pawl a ti dam?

3. Zisuh hnenah zo pawl an ra hruai?

4. Zisuh in zo pawl thla a camsak?

5. Zisuh in zo pawl a duhdawt?

Zirnak (3) siar peh aw.. Click  Pathian ih Thil Sersiam Mi Pawl Thu