RUNDAMNAK

Zirnak 10

(Zirnak 9 siar hmai aw...)

        PATHIAN in a fapa Zisuh in pek tikah in pe men men lo. Kumkhaw rundamnak in tuahsak a si. MISUAL a si mi nang le kei hrangah THINGLAMTAH parah a nunnak liamin in tuarsak a si. Zisuh cu a thi hnuah thlan sungah an phum ih nithum ni ah a thosal a si. Kan nih kan biak mi PATHIAN cu biaknak dang pawlih pathian bangin a thi lan ta lo. Kan PATHIAN cu a nung mi PATHIAN a si. 

Zisuh cu a thosal hnuah kan sualnak hmuahhmuah ngaidam a si theinak dingah VAN ah a Pai hnenah Amai thisen rori in hlansak (Heb 9:11-12). Kumkhaw daih rundamnak in tuahsak a si. PATHIAN cu a lung a awi tukih kan sualnak hmuahhmuah cu in ngaidam sak a si. “An sualnak le an palhnak pawl ka cing ringring nawn lo ding,” a ti (Heb 10:17). A va hnangam um so!

                  Khursungih a tla mi nauhak pa te pacangpa in a runsuah vekin, nang le kei khal PATHIAN in a Fapa Zisuh hmangin Setan sal sung ihsin in runsuak ve zo a si. A tu cu Setan ih sal sungah na um nawn lo. Khrih sungah na um zo(Kol 3:3). Rumdam mi na si zo a si. PATHIAN tla na parah a thinheng nawn lo. A lung a awi zo. PATHIAN thawn rualṭha nan si zo a si. Na lung a awi ve maw?

THUSUHNAK

1. PATHIAN in a fapa in pek tikah in pe men men maw?

2. Zisuh kha ziang hrangah in pe?

3. Zisuh kha khawi tawk parah a thi?

4. Zisuh kha a thih hnu ni ziat ah a tho sal?

5. Zisuh in zo hnenah kan sual ngaidamnak ding hrang a thisen a hlan?

6. PATHIAN in Zisuh ih thisen a hmuh tikah a lungawi maw?

7. PATHIAN in nan sualnak hmuahhmuah ka mang sal cing cing ding a ti maw? Mang nawn lo ding a ti sawn?

Siar peh ding in Click aw..  Zisu Zumtu Cu Kumkhaw Nunnak An Nei