PATHIAN A UM TI ZIANGTIN KAN THEI THEI PART-2

      Zirnak 4 peh..

Kan PATHIAN cu Amah le Amah a um rori a si ti kan theinak dingah phunhnihin a phuangsuak aw. 

1. PATHIAN cu a thil sersiam mi ihsin a um ngai ngai a si ti a phuang aw (Rom 1:19-20)

 Sun ah Ni, zan ah Thlapi, Arsi pawlin Pathian a um ti an phuanglang. Cule thingkung, hrampi, ramsa, tlun ih a zuang mi vate pawl le tisung ih a um mi nga a phunphun pawl tla in Pathian a um ti an phuanglang fawn a si. Hi pawl hmuahhmuah hi minung ih tuah thei mi le sersiam thei mi an si lo. Minung hnakih ropi le thil ti thei sawn ih sersiam mi pawl an si. Cu cu kan biak rero mi a nung PATHIAN  hi a si. Sersiam mi thil pawl kan hmuh tikah a nung PATHIAN a um a si ti kan thei thei a si.

2. PATHIAN cu  Zisuh ihsin le Bible ihsin a phuang aw (Galati 1:11-12, John 6:36,Isaiah 46:9-10)

               Bible kan siar tik ah PATHIAN a um ngai ngai ti kan thei thei. A mangbangza tuah mi pawl hmuahhmuah tla kan hmu a si. Cu lawng siloin, Zisuh khalin, “Ka thusim mi pawl hi Pa hnen ihsi a ra mi an si,” a ti. Cule Zisu nun can ziaza le a thil ti theinak ropi zet pawl ihsin PATHIAN cu ziang vek PATHIAN a si ti le, a um ngai ngai a si ti kan thei thei fawn a si.

             PATHIAN hi a um ngai ngai a si ti na zum ve zo maw? Na mit ih na hmuh mi, sersiam mi thil hmuahhmuah tla in PATHIAN a um ti an fiangter a si. Nangmah rori tla hi PATHIAN ih tuah mi le sersiam mi na si. Amai hmuihmel keng rori ih a lo sersiam mi na si.

THUSUHNAK

1. PATHIAN hi a um ngai ngai maw?

2. PATHIAN cu phun ziatin a phuangsuak aw?

3. PATHIAN a um ti ziangtin kan thei thei?

Siar peh aw dingin Click aw Adam le Evi Cu Eden Hmuanah An Um