PATHIAN A UM TI ZIANGTIN KAN THEI THEI Part- I

Zirnak 4
(Zirnak 3 siar hmai aw..)

               Nikhat cu rualvah pahnih an rak um. PATHIAN a um  le um loh thu ah an rak el aw. An mah cu John le Nick an si. John cu PATHIAN a um ti zumtu a si. Nick cu PATHIAN a um lo ti zumtu a si. 

Nick cun, “PATHIAN a um lo,” a ti.

John in len, “PATHIAN a um ro ri a si. Tu ih kan mit ih kan hmu thei mi le kan kut ih kan tham thei mi hmuahhmuah tla hi Amai sersiam ṭheh an si,” a ti. 

        Nick cun, “Ka rual, hi thil na hmuh mi pawl hi an mah te ih ra um mi an si, PATHIAN na ti mi ih sersiam mi an si lo, “ a ti ve la la. John cu a rualpa a simfiang theinak ding thu a ruah rero.

    Nikhat cu John in cabuai (table) parah leilungpi zuk hlum kha  a rak ret. Mawi nawnin a cei ih, zoh tha nawn dingin  a tuah. 

A rualpa Nick cun, “Ka rual, ava mawi ve, zo ih tuah mi si,” tiah a sut. 

Cutikah John cun,”Zo hman ih tuah mi a si lo. Amah ten kha nah a ra um men,” ti ah a let. 

               Nick cu a thinheng tuk ih, “Ka rual, mi aa ah maw I neih! Tuah tu um lo in amah ten a um thei lo pi,” ti ah thinheng nawnin a vun ti. 

                 John cun,”Ka rual, na sim mi cu a dik a si. Hi leilungpi zuk hi tuahtu a um vekin, kan nih milai le hi leilung sungih a um mi hmuahhmuah tla hi tuahtu a nei ve a si. Cu cu a nung mi PATHIAN tiih ka lo sim rero mi kha a si,” ti ah a vun let sal.

 

Tu san ah Nick vekih PATHIAN a um lo ti tu an tam pi zo. Riahsia za zet a si. “PATHIAN nung a um rori a si,” ti mi hi ziangtin kan thei thei ding? A nung mi Pathian a um rori a si ti hi na zum ve maw? 

(Part-2 siar peh dingin Click aw Pathian A Um Ti Ziangtin Kan Thei Thei Part-2)