PATHIAN IN A FAPA ZISUH IN PE

Zirnak 9

(Zirnak 8 siar hmai aw...)

                 Khur sungih a tla mi nauhak pa te runsuah a ṭul vekin nang le kei khal Setan ih kut sungin runsuah kan ṭul ve a si. PATHIAN cun MISUAL kan si lai cingin in duhdawt ih HELL kan feh ding in siang lo. Amai hnen ah kumkhua ih kan um ding mi hi a duh bik mi a si. Johan 3:16 ah cun hitin in sim, “PATHIAN in leilung hi a duhdawt zet ruangah  a fapa neihsun a pek, zokhal Amah (Zisuh) a zumtu cu an HLORAL (THI)  lo dingih KUMKHAW NUNNAK an nei ding,” a ti. 

        Leilung a ti mi hi nangmah le keimah, mi hmuahhmuah kan si. PATHIAN in in duhdawt tuk ruangah fapa pakhat lawng a neih mi, Zisuh cu kan  hrangah in pe. PATHIAN in nangmai hrangah ui mi ziang hman a nei lo tinak a si. Na kiangih a um theinak ding le VANRAM na lut theinak ding hrangah ui mi zianghman a nei lo. Paul cun, “A Fapa hman in pek sianah cun thil dang hmuahhmuah tla in pe siang lo ding maw si,” a ti (Rom 8:32). Curuangah PATHIAN hin na hrangah ui mi ziang hman a nei lo. PATHIAN cun a Fapa in pe. Nang le kei teh in PATHIAN hrangah ziang kan pek ve ding? Kan thinlung zaten kan pe ve thei a si.

THUSUHNAK

1. PATHIAN in ziang kan si lai cingin in duhdawt?

2. PATHIAN in in rundam tu dingah zo in pe?

3. PATHIAN in a kiang ih um ve dingah in duh maw?

4. PATHIAN in kan hrangah ui mi a nei maw?

5. PATHIAN hrangah ziang na pe ve ding?

 Siar peh ding in Click aw..  Rundamnak