ADAM LE EVI IN PATHIAN THU AN NGAI LO

Zirnak 6
(Zirnak 5 siar hmai aw..)

            Nikhat cu Evi a mah te a um rero laiah Setan cu rulpi hmangin a hnenah a ra. Evi cu a bum thlang. 

Rulpi cun, “PATHIAN in hmuan sungih thingrah phunkim hi nan ei lo ding, a lo ti maw si?” ti ah a sut. Cutikah Evi cun rul hnenah, “Hmuan sungih thingrah pawl hi kan ei thei; asinain hmuan laifang ih um mi thingkung ih rah cu nan ei lo ding, a tham khal nan tham lo ding, cuti lo cun nan thi ding, in ti a si,” a ti.

 

Cutik ah rulin, “Nan thi hrimhrim lo ding; ziangahtile PATHIAN in cu mi nan ei ni ah nan mit a vang ding ih sia le ṭha theiin pathian pawl vek nan si ding ti a theih ruangah a si,” a ti. Cutin Evi cun thingrah cu ei hiarnak neiin a lawh ih a ei. A pasal Adam tla a pek ih a ei ve a si. 

 

Adam hnenih PATHIAN in thu a pek mi cu Adamin a thlun duh lo. A nupi ih thu a lung sawn. Curuangah  hi lei tlun le a sungih um mi hmuahhmuah cu camsiatin an um ṭheh a si (Seem 3:17-21). Adam le Evi tla Eden hmuan sung ihsin a dawisuak hai a si.                                                     

              Minung le PATHIAN cu an um tlang thei nawn lo. Ral ah an cang zo. PATHIAN thu lun loh cu a ral sinak a si. PATHIAN thu na lung ve maw?

THUSUHNAK

1. Evi hnenah Setan kha ziang mi hmangin a ra?

2. Rulpi khan Evi hnenah thingrah nan ei a si len ziangtin nan um ding a ti?

3. Adam in PATHIAN thu a ngai maw?

4. Adam in PATHIAN thu a lun lo tikah ziang mi pawlin camsiat an tuar?

5. PATHIAN le minung kha rualpi an si nawn maw?

Siar peh ding in Click aw... Mi Hmuahhmuah Misual Kan Si