ADAM LE EVI CU EDEN HMUANAH AN UM

 Zirnak 5
(Zirnak 4 siar hmai aw..)

    PATHIAN in Adam le Evi cu Eden sungih a um mi hmuan sungah a ret. Hmuan sungih um ramsa le sersiam mi hmuahhmuah kilkhawitu dingah a ret a si (Sem 2:2,15). PATHIAN in Eden hmuan sungah cun theirah ei ding phunphun a ret. Theirah pawl cu an ei dingah a siang ṭheh. Asinan a lai fangih a um mi sia le ṭha theihnak thingrah cu “Na ei lo pei, na ei a si len na ei ni rori ah na thi ding” ti ah Adam hnenah a sim ( Sem 2:17). PATHIAN in a sersiam mi minung pawl cu a duhdawt tuk hai ih siim nem ah a veh/leng hai ṭheu. Cutin an lengtlang ih thunuam an rel tlang ṭheu a si. 

               PATHIAN thawn thu nuam nan rel tlang dah maw? PATHIAN hi thlacamnak le Bible siarnak in na biak ve thei a si. "Kei cu nauhak ka si lai ruangah Bible ka siar lo ding," na ti pang maw? Zisu tla a nauhak lai ihsin Bible a siar ve a si. Kan nih nauhak pawl tla  Zisu vekin Bible kan siar ve thei a si.

THUSUHNAK

1. PATHIAN in Adam le Evi cu khawitawk hmuan sungah a ret?

2. Adam le Evi kha ziang mi kilkhawi dingah PATHIAN in hmuan ah a ret?

3. PATHIAN in thingrah hmuahhmuah kha ei ṭheh a siang maw?

4. Hmuan sung laifang ih a um mi thingkung hmin kha ziang a si?

5. PATHIAN in a laifang ih a um mi thingrah kha na ei a si len ziang na cang ding a ti?

6. PATHIAN kha ziangtin na biak thei?

Siar peh ding mi Click aw... Adam le Evi In Pathian Thu An Ngai Lo